LUNGSOD QUEZON, (PIA) -- Magandang balita para sa mga senior citizens ng Lungsod Makati!

Inanunsiyo ni Makati City Mayor Abby Binay na magbibigay ang lungsod ng gift certificate para sa mga fully vaccinated na seniors.

Ayon sa pamahalaang lungsod, makatatanggap ng gift certificate na nagkakahalaga ng Php1,000 para sa mga fully vaccinated na senior citizens. Ito’y naglalayong mas paigtingin pa ang kampanya na mapataas ang bilang ng mga residente na magpapabakuna kontra COVID-19.

Para sa buong detalye kung paano at saan makukuha ang gift certificate, bisitahin ang opisyal na Facebook page ng Makati City: https://www.facebook.com/MyMakatiVerified.

Para naman sa nais magparehistro para sa bakuna kontra COVID-19, pumunta lamang sa proudmakatizen.com (MyMakati/PIA-NCR)