PASIG CITY, (PIA) -- Sa pagdiriwang ng ika-448th Anibersaryo ng Lungsod Pasig kamakailan lang, nabigyan ng libreng COVID-19 test ang mga guro ng lungsod bilang bahagi ng okasyon.

Maliban sa libreng covid test, sumailalim rin sa mobile annual physical exam ang mga guro at nakatanggap din sila ng mga laptops na kanilang magagamit sa kanilang pagtuturo.

“Nasimulan na nating bigyan ang mga teacher na wala pa/unserviceable ang laptop,” ayon kay Pasig City Mayor Vico Sotto.

Gayundin, ginawaran ng medalya at insentibo ang Top Grade 12 at Top Grade 6 graduates mula sa public schools ng lungsod.

Samantala, naipamahagi na rin ang mga service vehicle para sa Department of Education. (Pasig City/PIA-NCR)