TAGBILARAN CITY, Bohol, July 12 (PIA) -- Sobra na sa 3 million ka mga Pilipino ang hingpit nang nabakunahan sukad nagsugod ang goberno sa ilang libre nga pagbakuna kaniadtong Marso.

Si Presidential Spokesperson Harry Roque nagpahibalo niining bag-o lamang sa mga katikaran sa pagbakuna ingon nga siya nag-awhag sa uban nga mga tawo nga magpabakuna na, aron mas motaas ang proteksyon batok sa virus.

Matod ni Roque, nga sa 12.48 million doses na ang nahatag, 9,339,801 ka mga taw na ang nakadawat sa una nga dose samtang 3,089,976 na ang nakadawat sa ilang ikaduha nga tupokan sa bakuna.

Matod usab sa kalihim sa usa televised press briefing niadtong Huwebes, Hulyo 8, kini usa pa ka koserbatibo nga ihap ug naglaum pa ang kagamhanan nga mas madungagan pa kini kung maapil na ang mga ihap gikan sa lokal nga goberno ug pribadong sektor.

Sa pagkakaron, ang nasod nakadawat og sobra sa 17 million doses sa coronavirus nga mga bakuna nga ang kadaghanan gihatag sa mga health workers, senior citizens, mga taw nga adunay comorbidity ug essential workers.

Nagpahibalo si Roque nga naglaum ang nasud nga makadawat ug dugang nga suplay sa 1,124,100 million doses nga AstraZeneca nga bakuna sa Huwebes sa gabie, usa ka donasyon nga gikan sa goberno sa Japan.

Lain usab nga 2,028,000 million nga AstraZeneca nga bakuna ubos sa COVAX facility nga gilauman nga moabot karon nga semana.

Ang ihatod nga 170,000 Sputnik V dose nga gipalit sa goberno, moabot usab karon nga semana.

Si Roque nagsiguro sa publiko nga libre ra ug walay bayad ang una ug ikaduha nga dosis sa coronavirus nga bakuna. (RAHC/PIA7 Bohol/John Paul Elicano)