TAGBILARAN CITY, Bohol, July 13 (PIA) -- Gibutyag sa Department of Health (DOH), nga nikabat na sa 13,196,282  ka doses sa bakuna sa COVID-19 ang nadawat sa Pilipinas.

Sa usa ka online briefing, si Health Undersecretary Myrna Cabotaje nagpadayag nga ang natala nga 3,562,342 , ka mga indibidwal ang hingpit nang nabakunahan, samtang ang 9,669,940 nakadawat na sa ilang una nga doses, subay sa natala sa Hulyo 11.

“Out of the 13.1 million na nabakunahan, 9.6 million na po ang first dose at 3.5 million ang second dose,” pahayag ni Cabotaje.

Sumala sa natala sa DOH, taliwala sa mga nabakunahan na sa first dose nga mga indibidwal, labaw sa 1.78 milyon ang mga health workers , 2.65 milyon ang mga Senior Citizen , 3.23 milyon ang mga adunay comorbidities, 1.6 milyon ang essential workers ug 307,450 ang indigents ang nahatagan na sa sugod nga panalipod sa kagaw nga mananankod.

Dugang niini, gikan sa hingpit nang nabakunahan nga mga indibidwal, kapin na  sa 1.2 milyon ang mga health workers, 915,593 nga mga senior citizen , ug naa sa 1.14 milyon ang mga adunay comorbidities, 191,851 mga essential workers, ug 69,694 ka mga indigents ang may hngpit nang panalipod sa sakit.

Sa laing bahin, ang natala sa adlaw-adlaw nga pagdumala sa dosis sa miaging pito ka adlaw miabut sa 212,607 sa  labing menos ka 1,213 ka mga lugar nga gipahigayun ang pagpamakuna sa tibuok nasud.

Padayun gihapong gi-awhag ang tanang katawhan nga magpabakuna na sa labing daling panahon , kay usa kini sa pamaagi nga dili matakdan sa maong sakit, ug padayunon gihapong sundon ang mga health protocols nga gihatag sa gobyerno. (RAHC/Mae Ann Grace C. Rubia)