ROXAS CITY, Capiz (PIA) – Kapin sa 30 mil ka mga kwalipikado nga Capiznon nga kalakip sa “priority list” sang pagpangbakuna kontra COVID-19 sa probinsya ang magabenepisyo  sa Janssen vaccine nga himo sang Johnson & Johnson.

Ang nasambit nga 30 mil ka doses sang bakuna nagikan sa nasyonal nga gobyerno ang ginbaton sang probinsya sa pagpanguna ni Gobernador Esteban Evan Contreras sa pag-abot sadtong Hulyo 20 sa Roxas City Airport.

Samtang ginpaabot naman ni Contreras ang pagpasalamat sa nasyonal nga gobyerno sa mga bakuna nga nabaton sang probinsya.

Nahibaluan nga naglab-ot na sa 110,908 ka doses sang bakuna kontra COVID-19 ang nabaton sang Capiz nga ginalakipan sang 58,908 doses sang Sinovac,  19,660 doses sang AstraZeneca,  2,340 doses sang Pfizer kag 30,000 ka doses sang  J&J base sa Hulyo 20 nga rekord sang Provincial Health Office.