TAGBILARAN CITY, Bohol, July 27 (PIA) -- Miabot na ang bakuna nga Pfizer-BioNTech, bakuna batok coronavirus disease (COVID-19) nga gipalit sa gobyerno. 

Miabut niadtong Hulyo 26 sa Ninoy Aquino International Airport (NAIA) sa Pasay City ang kapin sa 300 mil ka bakuna nga maoy usa sa mga gipangita sa mga Pinoy kay lage, hinimo sa Estados Unidos. 

Ang kinatibuk-an nga 375,570 dosis sa bakuna nga gikan sa US miabot alas 9:20 sa gabii sa NAIA Terminal 3.

Niini, aduna pay 1.4 milyon nga dosis nga ipadala sa Pfizer-BioNTech dinhi sa Pilipinas, ug matud pa, kini ihatud sa labing dail nga panahon.

Matud pa sa tinubdan, dugang 562,770 nga mga dosis sa parehas nga bakuna ang gipadala na sa nasud sa milabay nga mga semana ug kasamtangan nga gigamit sa pagpanghatag sa proteksyon samga Pinoy.

Malipayong gitagbo ang bakuna nila Department of Health (DOH) Undersecretary Carolina Vidal- Tinio ug uban pang kawani sa DOH dinhi sa nasud. (RAHC/PIA7 Bohol/Analyn Y. Socobos)