LUNGSOD PASIG, (PIA) -- Ang Pamahalaang Lungsod ng Pasig ay nakikiisa sa Department of Health (DOH) at National COVID-19 Vaccination Operations Center sa National Vaccination Days, simula Nobyembre 29 hanggang Disyembre 1, 2021.

At bilang karagdagang pagsuporta sa programa, ang bakunahan sa lungsod ay gaganapin hanggang sa Disyembre 3.

Ayon sa pamahalaang lungsod, simula sa Lunes (Nob. 29) ay bubuksan ang mga vaccination sites ng Pasig para sa mga interesadong mabakunahan kontra COVID-19. Maglalaan ng 1,000 slots kada site, kada araw.

Huwag kalimutan ang PasigPass QR Code, vaccination card, valid ID, at magdala rin ng sariling ballpen.

Para sa kumpletong detalye, bisitahin ang opisyal na Facebook page ng Pasig City Public Information Office https://www.facebook.com/PasigPIO. (Pasig City/PIA-NCR)