No. of :

No. of Shares:

Currently viewed by: Marcus Rosit

  1. Home
  2. News
  3. Antique naghiwat kang 'accessibility audit'

Antique naghiwat kang 'accessibility audit'

Write a comment

Delete

SAN JOSE, Antique (PIA) -- Ang probinsya kang Antique naghiwat kasan-o gid lamang kang accessibility audit (AU)nga ginpangunahan kang Provincial Disability Affairs Office para usisa-un ang  mga edipisyo kang Gobyarno kun dya bala nagatuman sa probisyon Batas Pambansa 344 or ang Accessibility Law.

Delete

Ginpahayag ni Provincial Social Welfare Office Larry Petinglay nga ang accessibility audit nagalaum nga mapatuman ang BP 344 kag maka benepisyo ang mga katawhan nga may kasablagan sa lawas.

Ang AU ginapangunahan kang Persons with Disability Affairs Office-Antique sa idalum kang liderato ni Paolo Castillo.

Ginbisita kang grupo ang bag o nga kapitolyo, Legislative Building kag Binirayan Gymnasium para lantawon kun nagasunod ang dya nga mga edpisyo sa BP 344. 

Delete

Ang mga gina-usisa amo ang rampahan, kasilyas, parkingan, mga patimam-an ukon “signage,” gawang kag mga aragyan, hagdanan, kuridor, “elevator” kag iba pa.

Nakita sa tion kang pag audit nga ang nasambit nga edipisyo kang gobyerno kinahanglan nga may mga lugar nga kinahanglanun nga ikid-anun para makasunod sa probisyon kang BP344.

Delete

Kinahanglan magbutang kang mga “directional signage” umpisa sa parkingan, pwertahan, talatapan, information counter, kasilyas abay ang mga “express lane” para sa mga tawo nga may kasablagan sa lawas.

Ang audit team ginakatapu-an nanday Fritz Enjhay Cepe kag Diana Estribor nga pareho nga may orthopedic disability, Miles Apostol naga representar sa mga bungol, kag Angelica Masmela, sangka bulag nga lider kang mga pamatan-on sa munisipalidad kang San Jose.

Delete

Kanday Cepe,  Estribor kag Apostol ginhanas kang ASEAN University Network Disability and Public Policy (AUN-DPPNet) sa Accessibility and Universal Design Training Course.

Ang iban nga katapo kang Audit Team naghalin sa Department of Public Works and Highways, Provincial Engineer's Office, Provincial Planning and Development Office, Philippine Information Agency,  PSWDO kag Provincial Disability Affairs Office. (JBG/PSM/PIA-Antique)

About the Author

Pilar Mabaquiao

Writer

Region 6

Related News

Feedback / Comment

Get in touch