No. of :

No. of Shares:

Currently viewed by: Marcus Rosit

  1. Home
  2. News
  3. PHO nagapanawagan sa tanan nga magpanglimpyo kontra dengue

PHO nagapanawagan sa tanan nga magpanglimpyo kontra dengue

Write a comment

Delete

SAN JOSE, Antique (PIA) - -  Ginapanawagan kang Antique Provincial Office ang tanan nga mga katawhan nga magpanglimpyo para malikawan ang pagrapta kang dengue sa probinsya.

Ginapanugyan ni Provincial Health Officer I Dr. Leoncio Abiera, nga ang pagpanglimpyo kang kada panimalay kang andang sular, sangka importante nga lihuk agud matabog ang makaharalit nga lamuk nga nagatuga kang dengue.

Suno man kay PHO Information Officer Irene Duldocco, may kabilogan run nga 313 ka kaso kang dengue ang nalista rugya sa Antique kag may tatlo run ka napatay basi dya sa anda rekord halin kang Enero 1 hasta Mayo 14, 2022.

Delete

Ginpanugyan ni Abiera nga ang kada balay kinahanglan dapat magpanglimpyo ka lugar nga nga ginabalayan kang lamok.

Ang numero kang kaso kang dengue kadya nga tuig, 54 porsyento nga mataas kun dya i-komparar sa mga kaso nga nalista kang nagligad nga tuig sa pareho nga panahon nga may kabilogan lamang nga 203.

Ang banwa kang Sibalom ang may rekord nga pinakamataas nga kaso kang dengue nga nagadangat gid sa 80 ka mga kaso.

Delete

Ang PHO, kaimaw ang mga Municipal Health Office, kag mga opisyales sa barangay, naghiwat kang dengue vector surveillance kag paglibot sa mga kabarangay para magpa-athag kun paano malikawan ang dengue. (JBG/PSM/PIA-Antique)

About the Author

Pilar Mabaquiao

Writer

Region 6

Related News

Feedback / Comment

Get in touch