BAGUIO CITY (PIA) -- Inihayag ng Environmental Management Bureau ng Department of Environment and Natural Resources  na kailangang mapalakas ang mga pamahalaang lokal kaugnay sa pagresolba ng air pollution sa kanilang nasasakupan.
 
Sa ginanap na virtual Regional Meeting on Strengthening Knowledge and Actions for Air Quality Improvement kamakailan, inilahad ni EMB Air Quality Management Section Chief Jundy Del Socorro, batay sa mga monitoring sa mga airsheds sa bansa ay napag-alaman na ang transportasyon ang pangunahing pinagmumulan ng polusyon sa hangin. Ang mga airsheds ay lugar na may magkaparehong climate, meteorology at topology na nakaaapekto sa interchange at diffusion ng pollutants sa kapaligiran.
 
"It's the local government units that we really identify that we should strengthen in terms of the land use planning, the transport planning, to address air pollution from the mobile sources," saad ni Socorro.
 
"It is important that there should be a master plan in all emerging cities so that we could address all these usual problems especially on the transport sector," dagdag nito.

Aniya, kinakailangan ding mapalakas ang action plan ng bawat airsheds at mapabilis ang aktibidad sa pagtukoy sa mga attainment at nonattainment areas. Ang attainment area ay kapag ang kalidad ng hangin ay tugma o mas malinis pa sa national standard habang ang non-attainment area ay hindi pasado sa national standard ang air quality.
 
"By accounting all air pollution problem, we also want to strengthen the capacity of these airsheds for them to (have) emission inventory and other tools and air quality monitoring to establish and identify the carrying capacity of their area," paliwanag ni Socorro.

Dagdag pa nito, kung matutukoy na ang carrying capacity ay may mabubuong plano upang maresolba ang mga isyu kaugnay sa polusyon.
 
Inihayag naman ni Socorro na isang hamon ang pagpapatupad ng sustainable efforts upang mabawasan ang air pollution sa kapaligiran.
 
Kabilang aniya sa mga ito ang mga ipinatupad na hakbang sa kasagsagan ng pandemya sa bansa gaya na lamang ng paggamit ng non-motorized means of transportation kasunod sa pagsuspendi sa operasyon ng public transport na nakabawas sa air pollution.
 
Sinabi rin nito na makatutulong din sa pagbawas ng polusyon ang pagpapanatili o pagdagdag ng work from home scheme.
 
"Working from home, it decreases the demand for energy. The more demand for energy, then the more air pollution ... This is an entry level but why not make it sustainable," ani Socorro. (DEG)