LUNGSOD PASIG, (PIA) -- Puspusan ang paghahanda ng Metropolitan Manila Development Authority (MMDA) ngayong panahon ng tag-ulan.
Ilan sa mga kanilang paghahanda ay ang regular na paglilinis ng mga pumping stations sa lungsod upang matiyak ang maayos na operasyon nito.
Ayon kay MMDA Chairperson Romando Artes, sinisiguro ng ahensya na operational at nasa maayos na working conditions ang lahat ng mga pumping stations dahil nakatutulong ang mga ito na maiwasan at mabawasan ang pagbabaha sa Metro Manila.
