TUGUEGARAO CITY, Cagayan (PIA) - - Y Department of Environment and Natural Resources (DENR) ay mappange nga mammula ta 10,000 nga bini na pasingan anna nativo nga kakayu sonu June 8 kagiddan na selebrasyon na Environment Month na Filipinas.

Segun kanni DENR Regional Director Gwendolyn Bambalan, yuri tree planting activity ay pakipattaddayan na ngamin nga empleyadu na DENR ta interu Rehiyon Dos. 

“Every employee will be planting at least five tree seedlings based on the memorandum order of Secretary Jim Sampulna. More than 2,000 planters or participants are expected to join this activity (Kada tadday nga empleyadu ay mammula ta ari bumaddi ta lima nga bini na fun, segun ta memorandum order ni Sec. Jim Sampulna. Maturu 2,000 nga tolay y matarangal nga mevulu taw nga  aktibidad,” kunna.

Neammung na, y local government units, national government agencies, non-government organizations, uniformed personnel, sektor na ababbing, akademya, midya, anna kakaruan paga nga stakeholder ay nepakammu da gapa i aya da nga makipattadday turi ta nationwide planting activity.

Segun sa, yuri field officials da ay maddagud-da ngana nga balinan yuri preparasyod-da para turi ta aktibidad.

Y karuap-paga nga messimmu ta patangavulan nga selebrasyon ay environmental symposium, youth camp, clean-up drive, anna regional sports fest ira, tuange ta produksyon anna distribusyon na bini ira. (OTB/JKC/with reports from Ben Moses Ebreo)