TUGUEGARAO CITY, Cagayan (PIA) - - Maturu 600 nga Cagayano y nakaresivi ta free patent land titles megafu ta Handog Titulo Program na Department of Environment and Natural Resources (DENR).

Yaw nga programa ay maddagun nga mepatuppal kavulu y Registry of Deeds anna y lokal nga gubyernu na Cagayan.

Neparaddam ni Atty. Herminio Sychangco, Jr. na Registry of Deeds ta awardees ira, nga immugurad-da yuri titulos da, megafu ta danaw y pruweba nga kukwa da y davvud-da, anna mawak yaw ta karuan nga transaksyon ta gubyernu.

Y Handog Titulo Program ay parte na Republic Act No. 10023 onu Residential Free Patent Act, nga yaya ay mappalogon anna mappabi ta proseso anna pagalawa’ ta public land patents ta benefisyaryo ira nga awan tu davvud-da.

Taw nga programa, meyalawa' y free patents ta Filipino ira nga nabbalay ta residential land 10 ragun ngana y nappasa onu mas mabayak paga. 

Y pangibillay na gubyernu ta titulo na davvun ay mepatuppal tapenu makontra y ziga o kapobre na totolay anna metullu noka y ekonomiya na nasyon. (JKC/PIA Region 2)