Si Engr. Alberto Troncoso nga sangka business consultant ang nagserbe nga resource person sa aktibidad kung sa diin ana ginplastar ang pira ka mga bagay nga naga epekto sa pagka-prodaktibo.

Ana ginhambal nga importante ang sangka positibo kag manami nga lugar sa pag-ubra, amo man ang pagtugro importansya sa mga empleyado.

Nagapati si Engr. Troncoso nga kung may paghangpanay sa urubrahan kag kung may mga pasilidad nga nagapatigayon kang katawhay sa pag-ubra, mas prodaktibo ang mga empleyado sa anda tagsa ka responsiilidad.

Iban pa nga bagay nga naga-impluwensya sa pagkaproduktibo kang sangka manug-ubra ang pagtugro kang mga training kag seminar, pag-gamit kang procedure manual, pagpasangkad kang mayad nga lawas, kag ang pag-gamit kang teknolohiya.

Si Restie Maza nga isa ka manunudlo sa Col. Ruperto Abellon National School (CRANS), kung sa diin nabutang ang isa ka Shared Service Facility (SSF) sa food processing, naghambal nga duro ang ana natun-an sa pagpasangkad kang negosyo pamaagi sa amo diya nga inisiyatibo kang DTI Antique.