LUNGSOD QUEZON, (PIA) -- Mahilig ka bang magsuot ng earphones at headphones?
Kung kayo ay naglalakad sa kalsada, payo ng Metropolitan Manila Development Authority (MMDA) na iwasan itong gawin.
Ayon sa MMDA, ang gawaing ito ay lubhang mapanganib dahil maaaring hindi marinig ng maayos ang busina ng mga sasakyan.
Maaari ring hindi mapansin ang mga sasakyang paparating at mga signal sa paligid na nagbibigay babala. (MMDA/PIA-NCR)
