LUNGSOD NG CALAPAN, Oriental Mindoro (PIA) – Kamakailan ay isinagawa ng Puerto Galera Tourist Police Unit (TPU) ang programang Share-a-Meal sa tatlong pamilya na benepisyaryo na magsasalo-salo sa hapag kainan na niluto at inihanda ng mga pulis.

Pinangunahan ni TPU Chief, PCpt Ria Rosaroso ang pagpunta sa bahay ni Melodina Obtenalia, isang labandera, may anak na lalaki na namamasada ng tricycle at may isang anak sa barangay Balatero ng nasabing bayan bitbit ang mga pinamiling pagkain na siya nilang lulutin at ipapakain sa pamilya.

Ganito din ang isinagawa ng mga pulis sa pamilya ni Analiza Bautista na may kapansanan sa pandinig at pamilya ni Emelda Soriano, 72 anyos na kapwa naninirahan sa Brgy. Tabinay na siyang ikinatuwa ng mga pamilya nila upang ipakita na ang pulis ay handang tumulong, maglingkod at mapagkakatiwalaan bilang bahagi ng ahensiya ng pamahalaan.