No. of :

No. of Shares:

Currently viewed by: Marcus Rosit

Paghanas sa bamboo craft-making gintalana

SYUDAD SANG ROXAS, Capiz (PIA) -- Nagapadayon ang paghanas sang 18 ka mga pumalasakop sa "bamboo craft - making" nga nagsugod sang Nobyembre 14 sa Capiz State University (CapSU) - Dumarao Satellite College sa banwa sang Dumarao.

Ang mga pumalasakop nga nagabug-os sa una nga batch sang paghanas ang ginalakipan sang mga kababaihan, estudyante, tumandok, kag "craftsmen" nagikan sa kabanwahanan sang Cuartero, Dao kag Dumarao.

Nahibaluan nga may natalana pa nga kapareho nga paghanas sa maabot nga Nobyembre 22 tubtob 28 sa banwa sang Sigma kag Disyembre 12 tubtob 18 sa Cuartero.

Ang nasambit nga aktibidad ang ginapatuman sa idalum sang Capiz Institute of Living Tradition ang nagatuyo nga maamligan, mapadayon, madokumento, matib-ong kag ma-develop ang mga "intangible cultural heritage" sang probinsya.

Samtang, ginpakita sa mga pumalasakop ang nagkalainlain nga sahi sang kawayan ukon botong kag ang kontribusyon sa komunidad sa nauna nga adlaw sang paghanas.

Subongman, naghatag giya si Randy Fancubila nga vice-president sang Capiz Bamboo Council sa pag-obra sang "bamboo crafts" sang mga partisipante.

Ang training ang ginapatigayon sang Provincial Tourism and Cultural Affairs Office (PTCAO) kaupod ang National Commission for Culture and the Arts (NCCA). (JBG/AAL/PIA Capiz/RB)

About the Author

Alex Lumaque

Writer

Region 6

Writer :)

Feedback / Comment

Get in touch