LUNGSOD QUEZON, (PIA)—May panibagong ‘ka sisterhood’ ang Lungsod ng San Juan matapos itong makipag lagdaan ng sisterhood agreement ang sa Munisipalidad ng Gumaca, Lalawigan ng Quezon sa pangunguna ni Mayor Webster Letargo.

“Tayo po ay patuloy na nagpapalawak ng sisterhood agreement sa ibat-ibang LGU upang makipag-palitan ng mga kaalaman at 'best practices' tungkol sa ibat-ibang aspeto ng pamamahalang lokal,” pahayag ni San Juan City Mayor Francis Zamora matapos ang signing ceremony na ginanap sa San Juan City Hall.

Ayon kay Zamora, kabilang sa mga ibinahaging best practices ng San Juan ay ang mga programa nito sa COVID-19 vaccinations, mahahalagang insfrastructure projects sa lungsod, gaya ng bagong government center at ang pinaka-unang 22-storey high-rise, in-city public housing ng Pilipinas. (san juan pio/pia-ncr)