ILIGAN CITY (PIA)--Sobra P240,000 ang nahimong halin sa Kadiwa ng Pasko sa Iligan City niadtong Disyembre 20 hangtod 21 tuig 2022.

Gimuntar ang Kadiwa ng Pasko sa City Plaza, Barangay Poblacion sa Iligan City kung asa mapalit ang baratong bugas, gulay, ug mga produktong swak pang-noche buena.

Gipangunahan kini sa Department of Trade and Industry kauban ang Iligan City LGU.

“Atong gihatagan ug relevance ang spirit ug Christmas and generosity and what more can we give to Iliganons nga makahtag ta ug privilege benefits wherein they can purchase items at a very discounted price,” sumala ni Coun. Marlene Young.

Gawas sa mga produkto sa agrikultura, gibaligya sab dinhi ang basic necessities ug prime commodities.

“Dako kaayo nig tabang dili lang sa mga negosyante lun dili sa konsumante pod nga makakuha ug diskwentwo sa mga lain laing gidipslay nga produkto,” sumala ni Reggie Punongbayan, presidente sa Iligan Chamber of Commerce.

Walo ka sellers gikan sa government ug private companies ang mipartisipar sa maong aktibidad. (LELA/PIA-10/Lanao del Norte)