Ginpahayag ni Maj. Rachelle Garnica, nga hepe sang Pilar Municipal Police Station sa banwa sang Pilar, nga ang isa sa mga boluntaryo nga nagsungka kag nagpakilala nga anay katapu sang New People's Army ang nagpamat-ud nga mag-surender bangud sang kabudlay, pag-antos, gutom kag pagmasakit sa pagtener sa ginapanaguan nga mga kampo samtang aktibo pa sa hublag sang mga rebelde.

Gindugang pa ni Garnica nga kalakip man sa mga rason sang pagbalik sa sabak sang gobyerno sang anay katapu kag "look out spotter" sang Nonito Aguirre, Sr. Command  amo ang pagkahibalo sang kamatuoran nga natiplang lang ini sa mga pangako sang mga miyembro sang komunista.