TAGBILARAN CITY, Bohol, Feb, 2 (PIA) -- Gidapit ang publiko sa pag-nominate sa mga outstanding ug exemplary overseas Filipino workers (OFWs) alang sa 2023 Bagong Bayani Awards nga gipasiugdahan sa Bagong Bayani Foundation Inc. (BBFI).

Kining awards nagtinguha sa pag-ila ug paghatag og tribute sa mga OFWs sa ilang mahinungdanong mga paningkamot sa pagpalambo sa maayong kabubut-on, pagpauswag ug pagpalambo sa imahe sa Pilipino isip usa ka takus, responsable ug dignidad nga trabahante, ug alang sa dako nga kontribusyon sa socio-economic development sa ilang mga komunidad ug sa Pilipinas sa kinatibuk-an.

Tumong sa maong pasidungog ang paghatag ug saktong pag-ila sa mga takos nga mga nominado, sa ingon paghimo og mga panig-ingnan alang sa uban nga sundon, ug alang sa nasud nga ikapasigarbo.

Ang aktibong OFW, land-based man o sea-based mahimong nominado sa mosunod nga lima ka kategorya: Bagong Bayani Award for Outstanding Employee; Bagong Bayani Award for Community and Social Service; Bagong Bayani Award for Culture and the Arts; Capt. Gregorio S. Oca Achievement Award; ug Blas F. Ople Award para sa Natatanging Bagong Bayani.

Ang mga kwalipikasyon, kinahanglanon, ug mekaniko mahimong ma-akses pinaagi niining link https://www.bbfi.com.ph/.

Ang deadline sa pagduso alang sa mga nominasyon gitakda sa Abril 30, 2023.

Ang BBFI usa ka non-profit nga organisasyon, nga nakigtambayayong sa Department of Migrant Workers (DMW), Philippine Overseas Employment Administration (POEA), Overseas Worker Welfare Administration (OWWA) ug pribadong sektor sa pagpasiugda sa kaayohan sa mga OFWs ingon man sa pag-ila ug pagdayeg sa papel sa mga OFW sa katilingban ug ekonomiya sa Pilipinas. (ECB/PIA7 Bohol)