LUNGSOD NG CALAPAN, Oriental Mindoro (PIA) -- Kumita ng Php 108,690.00 ang mga benepisyaryo ng Department of Social Welfare and Development (DSWD) Sustainable Livelihood Program (SLP) mula sa rehiyon ng MIMAROPA sa isinagawang one-day trade fair ng naturang ahensiya bilang bahagi ng pagdiriwang ng ika-72 taon na pagkakatatag ng DSWD.

Tampok sa naturang gawain ang mga produktong gawa ng mga benepisyaryo ng naturang programa mula sa rehiyon na ibinida sa mga one-day trade fairs sa mga petsang Marso 17, 22, 23, at 28.

Bukod sa layunin na makabenta, binibigyang pagkakataon din ng gawain ang mga benepisyaryo na higit pang mapalawig ang kanilang kakayahan na makapagbenta sa iba’t-ibang lugar sa pamamagitan ng naaangkop na exposure sa mga stakeholders at entrepreneurs. Ilan lamang sa mga itinampok na produkto sa naturang gawain ay ang mga processed food, handicrafts, native delicacies, mga malikhain produkto at mga produktong agrikultural.