TUGUEGARAO CITY (PIA) - - Kagabi y tumunuk nga ke-implementan na Aso Mo Itali Mo program na Siyudad ng Tuguegarao ay ta Barangay Balzain East ta pangi-ollu na City Veterinary Office (CVO).

Yaw nga maddagun nga programa na siyudad ay namegafu kustu nappasa nga Febrero anna neparulo ngana ta kakaruan nga babaranggay na Tuguegarao kagitta na Atulayan Norte, Atulayan Sur, Caritan Centro, Pengue-Ruyu, San Gabriel, anna Caggay. 

Ta Balzain East, nakwa y tadday nga orientation ta residente ira meyannung ta programa, nu sitaw nepakanawag ni CVO Animal Population Regulation Section Head Rey Ferrer, y penalty ira para ta makakwa ta kitu ira nga ari mangigalu onu mangifuku ta aya-ayam da.

Kabalin na yaw, ay namegafu y otoridad ira nga maggafu ta kitu ira nga nakakalebbo ta lelevu na baranggay. Yuri magafu ira gapa nga kitu ira ay mepay ta affukutan nga neparan na ofisyales na baranggay.

Segun kani Konsehal Boyet Ortiz, importante yaw nga programa, nga yayya ay meyannung ta Anti-Rabies Act of 2007 na gobyernu, tapenu  mawawan y peligro na rabies ta komunidad ira, anna tapenu marrenu i dala-dalan ira megafu ta kawawan daping nga ibababbattang na kikitu.  (OTB/JKC/PIA-2/dumuk anna retratu na TCIO)