TAGBILARAN CITY, Bohol, April 19 (PIA) -- Nipasidaan ang Department of Health (DOH) sa publiko nga mag-amping sa sakit nga sore eyes ilabi na karong ting-init.

Matud pa sa DOH, ang mga sintomas sa sore eyes mao ang pagbaton og pagpamula ug pagpangatol sa usa  o parehong mata.

“Pag nakita natin na mapula na yung mga mata natin may sore eyes na agad, pero hindi naman po yun totoo. Kailangan very cautious tayo sa pagdidiagnose at pagsasabi kung tayo ay may sore eyes o wala ang pinakamabuti talaga makapagkonsulta tayo sa doktor,” pamahayag pa ni DOH officer-in-charge Maria Rosario Vergeire.

Gipahinumdom ni Vergeire nga magpakonsulta dayon sa doktor alang sa saktong reseta sa tambal tungod kay kasagarang maayo kining sakit sulod sa duha  ka semana.

Gawas pa niini, dili usab angay basta-basta na lamang magbutang og bisan unsang eye drops ug likayan ang paghikap o pagkawot sa mata aron dili mokatap ang sakit.

“Wag kayong basta basta maglagay ng kahit anong eye drops sa inyong mata kasi ito po might cause more harm than good, maaari naman gumamit ng malinis na cloth na maaaring ninyo pong dampi-dampian lang pero iwasan natin pag hinawak sa kanang kamay ay hahawak pa sa kaliwang kamay dahil medaling kumalat ang sore eyes,” pasabot pa sa kalihim.

Matud pa nga mahimo kining makatakod sa mga tawo pinaagi sa paggamit og tuwalya, panyo, make-up o eyeglasses nga gigamit sa mga tawong may sakit niini. (ECB/PIA7 Bohol)