TAGBILARAN CITY, Bohol, May 11 (PIA) -- Gibuksan na sa Department of Education (DepEd) ang early registration alang sa incoming kindergarten, Grades 1, 7, ug 11 learners sa public schools sa tibuok nasud alang sa mosunod nga academic year.
Bukas na ang early registration alang sa tanang public elementary ug secondary schools gikan Mayo 10 hangtod Hunyo 9, 2023.
Gipahayag sa DepEd nga kinahanglang magpre-register o moapil ang enrollees sa kindergarten, ug Grades 1, 7, at 11 sa early registration aron makapangandam ang ahensya alang sa mga plano alang sa school year 2023-2024.
Samtang gikonsidera na ang incoming Grades 2, 3, 4, 5, 6, 8, 9, 10, ug 12 learners gikan sa public schools nga pre-registered ug dili na kinahanglang moapil sa proseso.
Gi-awhag usab ang mga pribadong tunghaan sa pagpahigayon sa early registration activities sa parehong period.
Gipahayag sa DepEd nga mas maayo ang face-to-face transactions sa mga tunghaan alang sa early registration, apan mahimo usab ipahigayon sa mga tunghaan ang ubang paagi sa pagkolekta og registration forms.
Pangunahan sa mga Schools Division Superintendents ug school heads ang advocacy campaigns sa ilang hurisdiksyon ug awhagon ang out-of-school children ug mga ginikanan sa mga motungha sa pagsalmot sa early registration.
Gimando usab ang tanang public elementary ug secondary schools nga mag-update o mag-encode dayon sa early registration facility sa Learner Information System (LIS) gamit ang school head o administrator account. (ECB/PIA7 Bohol)
