TUGUEGARAO CITY, Cagayan (PIA) - - Neyanugu na gobyernu na Siyudad na Tuguegarao y Neeruma nga Tuguegaraoeño Award for Excellence ta tadday nga estudyante nga si John Anthony de Asis ta Tuguegarao City Hall kustu meka-19 na Hunyo. 

Si de Asis, nga magigiammu ta University of Saint Louis Tuguegarao ay y ollo-ollu nga nakakala ta nakagi nga award.

Si Tuguegarao City Mayor Maila Ting-Que y mismu nangiyalawa ta plaque of commendation kani de Asis megafu ta nepasingan na nga rulay turi ta Hong Kong International Mathematical Olympiad Heat Round, nu sitaw nakala yayya ta Silver Medal.

Yaw nga award ay meyanugu ta maski sinni nga Tuguegaraoeño ta naduduruma nga sektor na siyudad, tapenu mammuan anna matakkillalan y rulay da anna y pangiyawa da ta kakwa ta Siyudad ng Tuguegarao. (JKC/PIA-2/konsu dumug anna retratu na Tuguegarao City Information Office)