CITY OF MATI, Davao Oriental (PIA) - - Mipanaw na si Governor Corazon Nuñez-Malanyon niadtong Miyerkules sa hapon, Hunyo 29, 2023. Nag edad siya og 73 anyos.

Gikompirma kini ni Vice Governor Niño Uy pinaagi sa live broadcast sa opisyal nga Facebook page sa Provincial Government of Davao Oriental.

Miingon si Uy nga sa sumamang adlaw alas 6:59 sa gabii, mipahibalo kanila ang anak sa gobernador nga nga namatay na iyang mama alas 3:50 sa hapon.

Nailhan si Gov. Malanyaon sa iyahang lig-on nga liderato, inisyatibo sa turismo, ug serbisyo nga adunay kasingkasing.

Mihangyo si Vice Gov. Uy sa pag-ampo gikan sa publiko, ug paghinumdum sa kamaayo ug paghigugma ni Governor Malanyaon sa katawhan sa probinsiya.

“Bisan wala na siya kanato sa pisikal, ang iyang maayong ehemplo ug pagpanerbisyo magpabilin sa atong mga kasingkasing hangtod sa kahangtoran,” ingon ni Uy.

Mihangyo pud siya og pagsabot ug pagtahod sa pribasiya sa pamilya sa gobernador samtang sila gasagubang niining pagsulay. (MLU/PIA Davao Oriental)