Mipadayag ang Executive Order No 1 nga ang paghinumdom magpasidungog ug ilhon ang walay puas nga dedikasyon ni kanhing Governor Malanyaon.

Sa panahon sa kasubo, ang tanang bandera sa Pilipinas nga anaa nakadagayday sa probinsiya nakabutang dapat sa half-mast; ug ang mga paghandom sa mga importanteng adlaw ug mga legal na holiday dapat dali lang og masululub-on.

Girektahan pud ni Governor Uy ang tanang mga barangay nga maglikay sa ‘extravagant’ nga pagsaulog sa kapistahan, Araw, ug uban pang mga selebrasyon nga mutunong sa panahon sa kasubo.

Namatay si Governor Malanyaon, 73 years old, niadtong Miyerkules, Hunyo 28.

Mibisita sa iyang haya si President Ferdinand Marcos ug Vice President Sara Duterte sa managlahing okasyon niadtong Hulyo 1, 2023 sa Cosmopolitan Memorial Chapels sa Davao City.

Karong Hulyo 2-3, makabisita ang katawhan sa iyang haya sa Provincial Capitol Covered Court sa City of Mati. Dalaon ang iyang patayng lawas sa iyang natawhang lungsod sa Cateel karong Hulyo 4-6.

Ilubong si Malanyaon karong Hulyo 7 sa Davao Memorial Park sa Davao City.