No. of :

No. of Shares:

Currently viewed by: Marcus Rosit

  1. Home
  2. News
  3. PCA naghiwat kang ika-50 nga anibersaryo

PCA naghiwat kang ika-50 nga anibersaryo

Write a comment

Delete

SAN JOSE, Antique (PIA)  -- Ang Philippine Coconut Authority (PCA) Antique Provincial Office naghiwat kang ika-50 nga anibersaryo paagi sa pagpananum kang niyog kang Hunyo 29, 2023 sa Barangay Nagbangi, San Remigio. 

Suno kay PCA Provincial Head Engr. Dionelo J. Ongga, ang dya nga pagpananum sangka pungsudnon nga programa nga ginpangunahan mismo ni Presidente Ferdinand Marcos, Jr.  

Delete

Ang dya nga ika-50 nga anibersaryo may tema nga “PCA@ 50: Achievements of the Past and looking Forward to the Innovations of the Future.”

Ang Philippine Coconut Authority gintukod katong 1973 suno sa Presidential Decree No. 232 nga nagamando sa pagpasanyog kang industriya kang niyog sa pungsod.

Ang PD 232 nagata-o man kang direktiba sa pagpasakop kang mga mangunguma sa mga lihuk kang gobyerno bilang importante nga bahin kang industrya.


Sa Antique, ang selebrasyon ginhiwat sa sangka hektarya nga taramnan sa Barangay Nagbangi I, San Remigio nga ginapanag-iyahan kang University of Antique (UA)- Hamtic Campus. 

Delete

Ang UA ginakabig man kang PCA nga sangka importante nga kabahin kang industriya kang niyugan sa probinsya.

May kabilogan nga 143 ka Catigan variety nga niyog gamit ang "group of three per hill method" nga pagtanum.

Hambal ni Ongga, ang dya nga tanum kun magbahol kag mamunga pwede gamiton para magparaku kang manami nga sahi kang niyog.

Ginpa-athag man kang PCA nga ang industriya kang niyog isara sa may bahol nga kontribusyon sa ekonomiya kang pungsod. (AGP/PSM/PIA Antique)

About the Author

Pilar Mabaquiao

Writer

Region 6

Related News

Feedback / Comment

Get in touch