CAMIGUIN (PIA)--Sa pagpangita og mga paagi aron mapanalipdan pa ang mga tawo batok sa sakit nga coronavirus disease (COVID)-19, ang Department of Health (DOH)-10, kauban ang Camiguin General Hospital (CGH), naglunsad sa COVID-19 Bivalent (Pfizer) Vaccination, Hulyo 1, 2023, sa maong ospital.
Gidala sa DOH-10 ang 300 ka dosis sa bakuna alang sa mga trabahante sa CGH, diin ang matag healthcare worker sa pasilidad aduna nay lima ka dosis sa kinatibuk-an.
“Whether we like it or not, COVID-19 is here with us. To tell you frankly, 95% of our cases now, labi na katong mga severe, moderately severe ones, are non-vaccinated or were only vaccinated once. So it’s very clear that the vaccines that we have are really effective and safe," matod ni Local Health Support Division Chief Dr. David Mendoza sa DOH-10.
(Gusto man nato o dili, ang COVID-19 ania kanato. Sa prangka, 95% sa atong mga kaso karon, labi na katong mga grabe, kasarangang grabe, wala nabakunahan o kausa ra nabakunahan. Busa klaro kaayo nga epektibo ug luwas ang mga bakuna nga naa nato,”
Apan, siya midugang nga ang bakuna dili makapugong sa usa ka tawo nga makabaton sa impeksyon; hinuon, kini makapugong sa tao nga mataptan sa maong sakit nga mugrabe o mukritikal ang kahimtang.
“We are not only protecting ourselves; we are protecting people around us and our community (Dili lang namo gipanalipdan ang among kaugalingon; giprotektahan namo ang mga tawo sa atong palibot ug sa atong komunidad),” miingon si Mendoza, nga naghisgot sa kamahinungdanon sa boluntaryong pagsumite sa mga healthcare workers aron makadawat sa pagbakuna.
Sa iyang bahin, si Dr. Gretchen Cabalang niingon nga ang mga personahe dili angay mahadlok nga makadawat sa bakuna ug angay nga magpasalamat nga gihatagan og prayoridad sa buhatan ang pagdawat sa bakuna. “I know this is our fifth dose (kabalo ko nga mao na ni atong ikalima nga dosis; ato ni siyang i-embrace,” dugang niya.
Sa Hunyo 30, 2023, si Mendoza miingon nga ang rehiyon adunay 46 ka aktibo nga kaso sa COVID-19, ug base sa DOH-10 hospital utilization rate, ang mga pasyente karon moadto sa ospital dili tungod sa COVID apan tungod sa ilang komorbididad, nga naghimo kanila nga immunocompromised sa maong virus. (RTP/PIA-10/Camiguin)
