LUNGSOD NG CALAPAN, Oriental Mindoro (PIA) – Isinagawa ng Philippine Statistics Authority (PSA) Oriental Mindoro ang information dissemination at gift-giving activity sa 21 kasapi ng Persons with Disability (PWD) ng Barangay Bayanan 2 sa lungsod na ito bilang bahagi ng kanilang ika-10 anibersaryong selebrasyon na may temang "PSA@10 Providing Quality Service through Digital Transformation".
Pinamunuan ni barangay PWD Vice President Mario Malaluan, Jr., ang grupo ng may kapansanan upang maging maayos ang daloy ng aktibidad na ginanap sa barangay hall na sinuportahan ng Punong Barangay na si Ma. Virginia Garcia.
Unang ibinahagi sa nasabing aktibidad ang mga serbisyo at impormasyon na ipinagkakaloob ng PSA tulad ng kahalagahan ng pagkakaroon ng PhilSys o National Identification Card na kung saan maaaring gamitin sa lahat ng transaksyon ng pamahalaan o mga pribadong tanggapan, gayundin ang PhilSys Check para malaman kung tunay ang ID na ipiniprisinta.
