No. of :

No. of Shares:

Currently viewed by: Marcus Rosit

  1. Home
  2. News
  3. Ginlunsar nga KADIWA sa Aklan kumita it P160 mil

Ginlunsar nga KADIWA sa Aklan kumita it P160 mil

Write a comment

Delete

KALIBO, Aklan (PIA) -- Ro ginlunsar kurundaya eamang iya sa Aklan nga Kadiwa ng Pangulo (KNP) Diskwento Caravan hay may kumita it kabilugan nga P160,322.00, suno sa lista it Office of the Provincial Agriculturist (OPA).

Ro KNP hay sangka programa it gobyerno nga nagapasilitar agud ro mga mangunguma ag mga mangingisda hay direkta nga makabaligya sa mga bumaeakae sa masarangan nga presyo.

Tuyo man it nasambit nga aktibidad nga mag establisar it dugang nga baealigyaan para sa mga maintok nga mga mangunguma ag kooperatiba.

EditDelete
Mga preska nga tinuea ag prutas ro gintumpukan it mga bumaeakae sa ginhiwat nga paglunsar it Kadiwa ng Pangulo Diskwento Caravan sa probinsya it Aklan kurundaya eamang.
Delete

Sa Aklan, ginpartisiparan ro KNP it 61 nga manugbaligya kon siin gintanyag nanda sa mga bumaeakae ro preska nga mga tinuea, prutas, isda, bugas, itlog, mga sari-saring kaean-unon ag mga produktong inubra it mga benepisyaryo it mga programa it Department of Trade and Industry (DTI), Department of Social Welfare and Development (DSWD), ag Department of Agrarian Reform (DAR).

Sa ginhiwat nga mapig-od nga programa antis buksan ro KADIWA, si Hon. Jay Tejada, miyembro it Sangguniang Panlalawigan it Aklan nga nagrepresentar kay Governor Jose Enrique Miraflores, hay nagpaabot it pagpasaeamat kay Presidente Ferdinand Marcos, Jr. sa konsepto it KADIWA nga nangin instrumento nga ro mga mangunguma hay direktang makabaligya ku andang mga produkto sa manugbakae.

Delete

Ginsambit man nana nga antes pa ro paglunsar it KADIWA, ro probinsya hay nagahiwat eot-a it makarang istilo it pagbaligya sa tunga it mga mangunguma ag mangingisda ag mga kunsumidor nga mga Aklanon paagi sa Farmers and Fisherfolks Market Day nga ginahiwat kada kinsenas ag katapusan it buean sa pagpamuno it OPA.

Dugang pa nana, rayang klase it pagbaligya hay mabahoe gid ro habulig sa tyempo it pandemya bangud rato nga mga nagbaligya it prutas, tinuea, eaha nga pagkaon ag pamahaw ag mga tanum hay may kita bisan paano nga hagamit nanda sa pang adlaw-adlaw.

Ro paglunsar it KNP sa Aklan hay ginpakigsakupan it mga pinuno ag representante it mga ahensya it gobyerno pareho ku Department of Interior and Local Government (DILG, Department of Labor and Employment (DOLE), Department of Agriculture (DA), DTI, DSWD, ag OPA-Aklan. (AGP/VGV/PIA Aklan)

About the Author

Venus Villanueva

Writer

Region 6

Related News

Feedback / Comment

Get in touch