No. of :

No. of Shares:

Currently viewed by: Marcus Rosit

PBBM misaad nga walay hunong nga ipadayon ang away batok sa mga sindikato sa droga

MANILA, July 26 (PIA) -- Si Presidente Ferdinand Marcos Jr. niadtong Lunes misaad sa paggukod sa mga sindikato sa ilegal nga drugas samtang ang kampanya sa gobyerno batok sa droga adunay bag-ong nawong.

“We will relentlessly continue our fight against drug syndicates, shutting down their illegal activities. We will shut down their activities and dismantle their network of operations .

Walay hunong ang atong pakigbatok sa mga sindikato sa droga, pagpahunong sa ilang mga ilegal nga kalihokan. Atong ipahunong ang ilang mga kalihokan ug bungkagon ang ilang network of operations," matod pa ni Marcos atol sa iyang ikaduhang State of the Nation Address (SONA) sa Batasang Pambansa.

Matud pa usab sa Pangulo nga ang kampanya batok sa ilegal nga drugas magtutok na sa rehabilitasyon ug edukasyon.

Si Marcos nagkanayon nga magpadayon ang kampanya batok sa ilegal nga drugas, apan nabag-o na kini og nawong.  

Giingong gitumong na kini ngadto sa community-based nga pagtambal, rehabilitasyon, edukasyon ug reintegration, aron masumpo ang pagsalig sa droga taliwala sa atong apektadong katawhan.

Gibutyag sa Pangulo nga ang gobyerno nakatukod na og kapin sa usa ka gatos ka dugang nga Balay Silangan reformation centers ubos sa "Buhay Ingatan, Droga’y Ayawan" o BIDA program.

Ang Pangulo miingon nga ang iyang administrasyon dili motugot sa pagkalambigit sa mga pulis ug uban pang mga tinugyanan sa balaod sa illegal drug trade.

“Unscrupulous law enforcers and others involved in the highly nefarious drug trade have been exposed. I will be accepting their resignations .

Ang mga walay prinsipyo nga tigpatuman sa balaod ug uban pa nga nalambigit sa hilabihan ka daotan nga pagpamaligya sa droga nabutyag na. Akong dawaton ang ilang mga resignasyon," matud pa ni Marcos. (ECB/PIA7-Bohol)

About the Author

Elvira Bongosia

Writer

Region 7


Feedback / Comment

Get in touch