sang Quezon, syudad sang Caloocan, syudad sang Davao subong man syudad sang Ormoc, Island Garden City of Samal, Metro Iloilo kag ang mga isla sang Palawan kag Siargao.
Bisan nga ang detalye sang proyekto ang indi pa kumpleto, ginpahayag ni Yulo-Loyzaga nga ang DENR ang nagkilala sang potensyal nga mga lokal nga panguluhan bangud sila ang frontliners sa mga pagpanikasog sa solid waste management sa pungsod, partikular sa pagkontrol sang pagpaguwa sang methane nagikan sa solid waste landfills.
Sang ginpamangkot sang mga reporters sa mga nagapanguna nga concern sa bahin sang solid waste management, ginsiling sang hepe sang DENR nga ang tagsa ka bahin nagapabilin nga pagpanghangkat ilabi na kung paano ang pagcapture kung ano ang mangin bahin sang duha nga pormal kag impormal nga mga aktibidad sa ekonomiya.
Ginhinambit man sini nga ang pagkolekta sang basura isa sa mga pagpanghangkat bangud nagalakip ini sang logistics kag tinawo nga magakolekta kag husto nga magaproseso sang basura sa mga may-ara sang materials recovery facilities.
“As you know, sanitary landfills are among the main ways that this waste are now disposed of and monitoring the quality of the environment around the sanitary landfills is of course always a challenge ‘no, how the management processes are actually abided by in terms of the ecological soundness of the practices,” paathag sini.
“We are still in need of some institutionalization in terms of the way our solid wastes are handled locally and consequently our national capacity.”
Samtang ginahulat ang pag-abroba sang NEDA sang pagsumiter, suno kay Yulo-Loyzaga ang ahensya magasentro sang iya pagpanikasog para sa green economy santo sa karon nga polisa kag regulasyon.
“In the meantime though, we are embarking on our own efforts to green our economy already, given that we have in place the legislation that we need especially to oblige those large enterprises that actually are the main sources of plastic packaging to begin their collection and to begin their proper disposal of their packaging products,” siling ni Yulo-Loyzaga.
Ang Pilipinas nagatuga sang kapin 61,000 metriko tonelada sang solid waste adlaw-adlaw, sa diin ginabug-os ini tubtub 24 porsyento sang plastik nga basura.
Samtang ang mga Filipino nagakonsumo kag nagagamit sang masobra isa ka gatos kag sisenta ka milyon sang plastic sachet packets kag masobra sa 40 ka milyon ka shopping bags kag manipis nga mga film bag sa isa ka adlaw, mga materyal nga ginalakawan sang gobyerno nga maglab-ot sa marine kag baybayon nga lugar sang pungsod bangud sa makahalalit nga epekto. (AAL/LAF/PIA6-Iloilo/PND)
