SYUDAD SANG ILOILO (PIA) --  Isa ka kasugtanan ang ginlagdaan sang lokal nga panguluhan sang syudad sang Iloilo, MORE Electric and Power Corp. kag Energy Regulatory Commission (ERC) agud mapasanyog ang pagamit sang renewable energy.

Ini may kaangtanan man sa pagpatigayon sang Net-Metering Program kag Distributed Energy Resources (DER) nga mangin accessible sa mga kunsumidor sa syudad.

Suno sa impormasyon sang Iloilo City Public Information Office, ang net-metering nagatugot sa mga konsumidor nga magbaligya sang ila nga “excess power” sa distribution grid.

Samtang, ang DER naman nagatuhoy sa mga magagmay nga mga power sources nga pwede makolekta agud makaaman sang power nga kinahanglanon.  

“With this collaboration, we take a significant step in promoting green practices using renewable energy resulting to reduced electricity bills and a sustainable way of living, thus bringing a positive impact on the environment,” suno kay Mayor Jerry Treñas.

"Being the first in the Visayas and outside Luzon to enter into this agreement showcases our strong support for the government," siling ni Castro.

May yara sang kabug-usan nga 72 ka mga kwalipikado nga mga end-users nga may kapasidad sang 985.37 kilowatt-peak ang nakabaton na sang Certificates of Compliance nagikan sa ERC sang Hunyo 30, 2023.

Nagapatigayon man sila sang information, education, and communication campaign agud madamo nga mga konsumidor ang makabaton man sang ini nga benepisyo.

Dugang pa, ang ERC nagahatag sang teknikal kag regulatory expertise nga kinahanglan sa pagpasiguro sang maayo nga pagpatigayon sini. (AAL/LMLE/PIA Iloilo/Iloilo City PIO)