No. of :

No. of Shares:

Currently viewed by: Marcus Rosit

  1. Home
  2. News
  3. DTI ginkilala ang papel kang MSMEs sa ekonomiya

DTI ginkilala ang papel kang MSMEs sa ekonomiya

Write a comment

Delete

SAN JOSE, Antique (PIA) -- Ginkilala kang Department of Trade and Industry (DTI) ang importante nga papel kang magagmay nga negosyante sa pangkalibutan nga ekonomiya.

Suno sa DTI kang Probinsya kang Antique, may masobra sangka libo nga Micro, Small and Medium Enterprises (MSMEs) ang nagahimo kang mga dekalidad nga produkto.

Delete

Si Governor Rhodora Cadiao sa programa sa EBJ Freedom Park kasan-o gid lamang, nagdayaw sa pagpaninguha kang DTI nga masuportahan ang mga magagmay nga negosyo sa probinsya kag mapasanyog ang pagbaligya kang anda produkto paagi sa mga trade fairs.

Ginhayag ni DTI Senior Trade-Industry Development Specialist Gevi Kristina O. Sandoy-Villafuerte ang mga hinimu-an kang DTI sa pagpabaskog kang mga MSMEs.

Ana ginhambal nga ang DTI nagasuporta sa masobra 1,830 MSMEs kag 1,533 kadya ang nagabaligya paagi sa internet ukon online market, 

Delete

samtang 75 ang ginakonsiderar nga Barangay Micro Business Enterprise.

Ang DTI, sa pagpamuno ni Provincial Director Mutya D. Eusores, nagpatigayon man sa paghiwat kang "Kapatid Mentor Me Program" para sa mga kababaihan nga may negosyo sa probinsya kag siyam na ang nakatapos sa amo nga programa.

Delete

Sa mga trade fairs, ang DTI nakapatigayon kang 11 product expo kag trade fairs, sa diin siyam ang lokal nga trade fairs, isara sa probinsyal nga lebel ginhiwat sa Robinsons Mall, kag sangka rehiyonal nga trade fair nga ginhiwat katong Western Visayas Cooperative EduBiz Forum sa University of Antique, Sibalom Main Campus.

Ginsuportaran man kang DTI ang benepisyaryo kang Pangkabuhayan sa Pagbangon at Ginhawa (PPG) program pamaagi sa pagtugro kang oryentasyon nahanungod sa financial literacy kag business continuity planning. Ang dyang 

Delete

95 ka benepisyaryo amo ang mga pamilya nga naapektuhan kang Bagyong Paeng kang 2022.

Samtang, padayon nga ginamonitor kang DTI ang mga establisyemento kang mga negosyo para masigurado nga compliant kang Fair Trade Laws (FTL) kag padayon man ang awareness-building activities tuhoy sa mga kinamatarong kag responsibilidad kang mga konsumidor. (AGP/PSM/PIA Antique/with reports from Fema Galicia/GIP)

About the Author

Pilar Mabaquiao

Writer

Region 6

Related News

Feedback / Comment

Get in touch