SAN JOSE, Antique (PIA) -- Ang Department of Trade and Industry (DTI) naghiwat kang monitoring kag inspeksyon ka mga certified steel products sa mga hardware stores sa banwa kang Hamtic, Tobias Fornier, kag Anini-y, Antique.

Si Trade and Industry Development Specialist Arnel Oliveros kang DTI Antique naghambal nga ang dya nga lihuk parte lamang kang hirikuton kang Consumer Protection Unit kang DTI agud masiguro ang mga tindahan nagasunod sa probisyon kang Fair Trade Laws.

Sa anda pagpang-usisa, anda gin-inspeksyon ang marka sa babaw kang kabilya para ma man-an ang authenticity, kalidad, kag property kang sangka kabilya.

mga tag-iya kag nagabantay kung paano mag-interpretar kang gin-ukit nga marka sa rerolled kag deformed nga kabilya kag nagtao man sanda kang impormasyon parte sa certified steel bars.

Ginhinyo man ni Oliveros ang mga manugbakal, hardware stores, construction companies kag building contractors nga turukon gid permi ang mga marka sa kabilya antis magbakal para masigurado nga dya sakto kag mayad. (AGP/PSM/PIA Antique with reports from Cherry Ann Santosildes/GIP)