No. of :

No. of Shares:

Currently viewed by: Marcus Rosit

Imprastraktura nga proyekto sang gobyerno nagakinahanglan sang madamo nga trabahante

SYUDAD SANG ILOILO (PIA) -- Masobra sa tatlo ka milyon ka mga trabahante ang kinahanglan sa pagpatigayon sang mga imprastraktura nga mga proyekto ni Presidente Ferdinand Marcos Jr. sa masunod nga tuig, suno kay Public Works and Highways Secretary Manuel Bonoan.

“Right now…on 2023, we are now implementing a total capital outlay budget of about more than 800 billion pesos. And we are implementing siguro mga about 70,000 big and small contracts all over the country. So you can just imagine the labor force that we need in terms of skilled and technical people,” pahayag ni Bonoan sa ginhiwat nga press briefing sa Malacañang.

Ang kahigayonan nga trabaho para sa bahin sang imprastraktura ang ginsapol kaupod ni Presidente Marcos tuhoy sa Philippine Labor and Employment Plan 2023-2028 (LEP) sang Department of Labor and Employment (DOLE).

“So sabi ko nga, now we are generating, I think, siguro ang requirement namin dito na threshold na program namin is almost about more than three million labor force that will be comprising of skilled and unskilled people on the year-to-year basis. And… this is just the start of the big infrastructure development program of the country,” suno kay Bonoan.

Dugang pa, dalagko nga mga kahigayonan ang magabukas sa labor nga sektor bangud sa madamo nga mga imprastraktura nga proyekto kag iban pa nga mga proyekto nagikan sa pribado nga sektor.


Sa pihak nga bahin, ginpresenta ni Labor Secretary Bienvenido Laguesma kay Presidente ang bahin sang Chapter 4 sang Philippine Development Plan 2023-2028 tuhoy sa pagpabaskog sang kita sang mga Pilipino.

Ang nasambit nga plano sa pagpangabudlay may yara sang tatlo ka prayoridad: pagpasangkad sang de-kalidad kag sustenable nga oportunidad sa pagtrabaho, pagpasiguro sang katahuran sang kinamatarong sa trabaho, kag pagpatukod sang inclusive social protection para sa tanan.

“Iyong buod ng aming presentasyon na kung saan ay malaking bahagi nga, ay iyong may kinalaman sa trabaho sa ating imprastruktura bukod pa doon sa ipinakita namin na magiging kontribusyon ng iba’t ibang mga departamento kasama ang turismo, ang agrikultura at saka iyong atin pong BPO (business process outsourcing) sector. So, iyon po iyong medyo buod ng aming presentasyon kanina sa sectoral meeting,” siling ni Laguesma.

Naangot ang LEP sa 8-Point Socio-Economic Agenda ni Presidente Marcos kag Philippine Development Plan 2023-2028 nga may tinutuyo sa pagpanubo sang unemployment kag pagsabat sang underemployment kabaylo sang maayo nga mga trabaho.

Paagi man sa LEP, madamo nga mga trabaho ang magabukas sa bahin sang imprastraktura para sa Build Better More nga proyekto sang DPWH. (AAL/LMLE/PIA Iloilo/PND)

About the Author

Liez'l Marie Lamasan-Ejeda

Writer

Region 6

Write to live. Live to write. 

Feedback / Comment

Get in touch