SYUDAD SANG ILOILO (PIA) -- Nagpabutyag sang iya suporta si Presidente Ferdinand R. Marcos Jr. para sa pag-amyenda sa pila ka mga probisyon sang 2003 Government Procurement Reform Act (GPRA), suno kay Tiglikum Amenah Pangandaman sang Department of Budget and Management (DBM).

Sa isa ka press briefing sa Malakanyang sang Agosto 22, ginpahayag ni Pangandaman nga ang ginaproponer nga pagliwat magasabat sa underspending sa mga talatapan sang gobyerno nga nakadugang sa pagpahinay sang GDP growth sang pungsod sa ikaduha nga quarter sang tuig.

natungdan nga mga proyekto, dugang sa ginaproponer nga pag-amyenda sa GPRA nga ginpresentar sa Pangulo sa tion sang sectoral meeting.

Suno kay Pangandaman ginsuportahan ni Presidente Marcos ang ila ginaproponer nga pagbag-o sa procurement kag ginkilala ang kinahanglanon  nga bag-ohon ang proseso sang procurement santo sa pagbag-o sang panahon kag pagsanyog sang teknolohiya.

“There has already been rapid transformation in technology over the past two decades – and the pandemic propelled the urgency for digital transactions in the country. That’s why our President is correct – that we need to make government procurement more attuned to our changing times,” siling nya.

Gindugang pa ni Pangandaman nga sila nagalaum nga ang Kongreso pagasuportahan ang kinahanglanon kag mabudlay nga proseso sang pag-update sang procurement processes sang gobyerno nga sa masami naga-apekto sang 25 porsyento sang tuigan nga badyet sang gobyerno.

Pila sa mga ahensya nga may pinakamanubo nga obligation rate ginalakipan sang Department of Information and Communication Technology (DICT), ang Commission on Elections (Comelec), ang Department of Agrarian Reform (DAR), ang Department of Social Welfare and Development (DSWD) kag ang Department of Energy (DOE).

Ang reporma magasakop sang innovative procurement methods; maayo nga procurement; husto nga pagplano; digitalization; “Green” procurement; kag iban pa nga miscellaneous provisions.

Dugang pa sini nga magapaguwa sila sang gintingub nga ginaproponer nga amyenda sa masunod nga duha ka semana. Igapresentar man ang nasambit nga dokumento sa mga mamalidha.

“Isusulat lang po namin nang maayos ito in a form of amendment doon sa mga provisions, sa mga existing provisions, and then we will sit down with the House and Senate counterparts po,” siling ni Pangandaman. (AAL/LAF/PIA6-Iloilo/PND)