SYUDAD SANG ILOILO (PIA6) – Naglunsar sang isa ka trade fair nga may tig-ulo “TESDAVIsoria” ang Technical Educations and Skills Development Authority (TESDA)-6 sang Agosto 22, 2023 bilang parte sang ika-29 nga anibersaryo sang ahensya.

Lakip sa nagpartisipar sa trade fair amu ang TESDA Provincial Offices, pila ka mga TESDA-supervised schools sa probinsya kag isa ka pribado nga organisasyon.

Hindi lang nga para magconduct kita sang training kundi pati man ang suporta sa ila,” pahayag ni Babalo.

Magluwas sa trade fair, may ara man ginhiwat nga skills contest ang TESDA-6 kung sa diin nagpaindis-indis sa icing decorating, table skirting, dish gardening kag wire installation ang mga estudyante sang ahensya. Ini ang preparasyon man sang ahensya para sa ginapaabot nga national competiton.

Sa piyak nga bahin, magalunsar man ang TESDA-6 kaupod ang PESO-Iloilo City sang is aka job fair nga pagahiwaton sa Robinsons Place Iloilo sa Agosto 25, 2023.

Ginpahayag man ni Babalo nga madamo nga mga Ilonggo ang pwede mahatagan sang kahigayunan nga magka-ubra bangud masobra 120 ka mga employer ang yara sa job fair. (AAL/JNH/PIA6 Iloilo)