KALIBO, Aklan (PIA) -- Ginlunsar kurundaya eamang it banwang Kalibo ro ana kara nga “No Segregation, No Collection” Policy agud nga hibutang sa ayos ro pagpilak it basura para ma protektahan ro palibot ag ro ikamayad it eawas it mga Kalibonhon.

Suno kay Mayor Juris Sucro it Kalibo, ro pag implementar it palisiya ngara hay patigayunon it Municipal Solid Waste Management Board (MSWMB) sa pagkoordinar sa sari-saring ahensya it gobyerno pag-abot it Oktubre 30, 2023.

Gindugang ni Mayor Sucro nga sa idaeum it Republic Act 9003, ro pinaka una nga tuyo it magpanehar it solid waste hay hibuhinan ag dueaon ro delikado nga epekto it mga basura sa  eawas it mga pumueuyo ag sa palibot agud hi angkon ro mayad nga klase it pagpangabuhi.

daea it Municipal Solid Waste Management Services ukon MSWMS.  

Ro mga basura nga owa hapaeain hay indi pagkolektahon it garbage truck.

Mga residual waste eamang ro pagakolektahon it MSWMS sa mga barangay nga may Material Recovery Facility ukon MRF.

Sa ginhiwat nga paglunsar, nagpanawagan si Vice Mayor Cynthia Dela Cruz nga ro  mga maeunot ag ma recyclable nga mga basura hay mangin responsibilidad it mga barangay ag indi eon pagkolektahon it MSWMS, ngani nga ro mga upas it saging ag mga pakeang it niyog hay indi eon dapat daehon sa banwa it mga garbage truck.

Ro nasambit nga paglunsar hay ginsundan it sangka press conference kon siin nagdugang pa gid it sari-saring impormasyon ro mga representante it Department of Environment and Natural Resources (DENR) paagi kay PENRO Merlene Aborka, Adorada Reynaldo, Municipal Environment and Natural Resources Office (MENRO) Designate it Kalibo, mga punong barangay it Kalibo, ag Vice Mayor Cynthia Dela Cruz. (AGP/VGV/PIA Aklan)