Base sa datos ng Oplan Linis Program at Solid Waste Management umaabot na sa kabuuang 212.66 tons ng iba’t-ibang klase ng basura ang nakolekta sa apat na episode ng programa kung saan 4.1 tonelada ang nakolekta sa Brgy. Mandaragat, 53.1 tons sa Brgy. Bagong Silang, 59.2 tons sa Brgy. Pagkakaisa at 96.26 tons sa Brgy. Bagong Sikat.
Hinakot naman ng mga truck ng Solid Waste Management Office ang mga basura upang maidala sa Puerto Princesa City Landfill para sa tamang disposisyon ng mga ito.
Nakolekta ang mga basurang ito sa pamamagitan ng Coastal Clean-up at Scoop Basura Competition.
Naging espesyal na panauhin naman ng programa si Ms. Earth Philippines 2023 Yllana Marie Aduana.
Patuloy namang isasagawa ng Pamahalaang Panlungsod sa iba pang mga barangay ang programang ito upang tuluyang mailigtas sa polyusyon ang mga baybayin ng lungsod. (OCJ/PIA MIMAROPA - Palawan)
