MANILA (PIA) -- Ang nasud adunay igong suplay sa bugas taliwala sa nagpadayon nga El Niño phenomenon nga nakaapekto sa lokal nga produksiyon, gipasalig sa Department of Agriculture (DA) niadtong Sabado, Marso 2.
Sa usa ka news forum, ang tigpamaba sa DA ug Assistant Secretary nga si Arnel De Mesa miingon nga adunay "healthy stock and inventory" sa bugas alang karong tuiga uban ang pag-import sa bugas nga nagsuporta sa lokal nga produksiyon.
Si De Mesa niingon nga ang Bureau of Plant Industry (BPI) nitaho nga ang nasud nakadawat og kapin sa 600,000 metriko tonelada nga imported nga bugas sa unang duha ka buwan sa 2024.
“On an average that’s about 300,000 metric tons which is at par doon sa expected natin na 300,000 metric tons per month na darating na bigas na imported. Iyong ating production last year na 20.06 million metric tons plus itong ating mga imports, and we are expecting na magpi-peak iyong harvest natin ng palay nagsisimula na ngayon by March and April,” matud pa ni De Mesa.
“So, in terms of supply wala po tayong problema we have a very healthy stocks and inventory of rice para po ngayong taon na ito,” dugang pa niya.
Si De Mesa nidugang nga ang DA nagpadayon sa pagmonitor sa mga kadaot ug epekto sa El Niño sa tibuok nasud. (ECB/PIA7-Bohol)
Nakahipos pa gihapon ang mga mag-uuma nga Bol-anon sa dyutay nga ani bisan sa El Nino, tungod sa paspas niini nga pagpananum og balik human mangani aron makadaginot pa sa ginagmay nga uwan, matud ni Capitol agriculture consultant Ricardo Oblena. (PIA Bohol)
