DAVAO DE ORO -- Sa gipahigayong information briefing sa 10th Infantry “Agila” Division nga gipangunahan ni Division Commander Major General Nolasco A. Mempin ngadto kay Davao de Oro Governor Dorothy Montejo-Gonzaga kauban si District II Representative Congressman Ruwel Peter Gonzaga, hugot ang supporta sa bag-ong administrasyon sa mga programa ug inisyatibo sa Agila Division kalabot sa peace and order sa probinsiya.
Tumong sa information briefing ang paghatag og detalye sa mga bag-ong elected officials sa probinsya sa sitwasyon sa kalinaw ug kahapsay ug ang kampanya kontra insurhensiya sa 10th Infantry Division. Gi-presentar usab sa Agila Division ang mga major accomplishments sa kampo, mga kasamtangan kahimtang sa Peole’s Organization, updates sa mga former rebels, ug ang mga plano arun masustinar ang kalinaw sa probinsya human kini opisyal nga nadeklarang “insurgency-free.”
Dako ang pagpasalamat ni Division Commander MGen Mempin human mipadayag sa ilang hugot nga suporta sila Gov. Gonzaga ug Cong. Gonzaga sa mga programa ug inisyatibo sa 10th ID ilabi na sa pagmintinar sa kahapsay kontra Communist Insurgency sa Davao de Oro.
Mahinumdumang sukad tuig 2016, adunay walo ka mga guerilla fronts ang na-dismantle ug tulo (3) usab ka mga Pulang Bagani Commands ang natupok . Dugang pa, adunay 170 People’s Organization ang na-organize sa Agila Troopers nga adunay gidaghanon nga 9, 000 ka mga aktibong myembro nga kanhing mga supporter o miyembro sa Underground Mass Organization (UGMO). (PR/Davao de Oro Information Office)
