MANTICAO, Misamis Oriental (PIA)—Naglaum si Mayor Stephen Tan ug respeto ug pagsalig sa mga empleyado sa munisipyo atol sa labing una'ng flag raising program sa bag-o na administrasyon sa lokal na gamhanan sa Manticao, Hulyo 4.

"I always treat my employees as family labi na kamo nga kauban nako sa trabaho (especially those who I work with), we should treat each other with respect. Importante kaayo ang pagrespeto sa usa'g usa para aduna kitay kalinaw (It is important that we should respect each other) so that we can work harmoniously," ambit ni Mayor Tan.

Sa iyang mensahe, gi-asoy ni Tan ang mga problema nga iyang na-abtan sa iyang unang adlaw sa paglingkod sama sa basura sa Barangay Poblacion, ilabina sa merkado, nga wala nahakot sulod sa pipila ka semana, ug ang patubig.

Pinaagi sa pagsabot ug kooperasyon sa streetsweepers ug garbage collectors na pa kuha niini sa mayor ang mga basura. Ang dumpsite usab nga kinahanglang aksiyonan natabangan ni Vice Mayor Roberto Lagsosas para makahulam og ekipo.

"Ang mga challenges dili nato himoon nga lisod, importante lang duna kitay initiative ug kita determined nga masulbad ang tanan nato'ng problema," ingon ni Tan.

Ang flag raising ceremony ug programa gitambungan sa tanang mga bag-o ug reelected nga mga konsehal sa lungsod. (MIO MANTICAO/PIA-10/Misamis Oriental)