No. of :

No. of Shares:

Currently viewed by: Marcus Rosit

OCD-10 gibansay ang LGU Camiguin sa DRRM

CAMIGUIN (PIA)--Ang Office of Civil Defense (OCD)-10, nga gipangunahan ni Regional Director Antonio B. Sugarol ug Disaster Risk Reduction and Management (DRRM) Division Chief Gilbert H. Conde, nagpahigayon og usa ka adlaw nga DRRM orientation alang sa mga local chief executives (LCEs) ug local disaster risk reduction and management officers (LDRRMOs) sa Camiguin, Nobyembre 18, sa Convention Center, dinhi.

Mao kini ang ikaupat nga hugna sa orientasyon alang sa mga LCEs ug LDRRMOs sa rehiyon.

Anaa sa maong kalihukan si Gob. Xavier Jesus D. Romualdo, LCEs sa lima ka munisipyo sa probinsya, ug ang lokal nga DRRM officers, ug mga representante. Gawas nila, anaa usab ang 58 nga punong barangay ug ilang mga kagawad sa maong kalihukan.

Giingon ni Romualdo ang kamahinungdanon sa maong kalihukan, ug gibutyag usab nga andam kanunay ang lokal nga pangagamhanan nga mutubag ug mukooperar sa nasyonal nga pangagamhanan sa disaster risk reduction and management.

Sa iyang bahin, gibutyag ni Sugarol ang kaimportante sa koordinasyon sa wala pa, kamulo, ug human sa usa ka katalagman. Matud niya, "It is always better to coordinate and know each other, develop partnerships and cooperation, and understand our roles in preparedness and building resiliency in our communities prior to the advent of any calamity or disaster."

(Mas maayong mukoordinar ug maila ang matag usa, mamugna ang pagtambayayong ug kooperasyon, ug magsinabtanay sa atong mga papel sa pag-andam ug pagmugna og kalig-on sa atong mga komunidad sa wala pa'y muabot nga kalamidad o katalagman)

Gipaniguro usab ni Sugarol nga ang OCD kanunay nga magsuporta sa mga lokal nga pangagamhanan ngadto na sa mga lokal nga komunidad, labi na sa pagpahigayon og mga pagbansay-bansay nga programa sa DRRM.

Ang orientasyon nagtumong usab nga maabagan ang paningkamot sa Local Government Academy (LGA) aron ma-orient ang mga bag-ong gipiling mga opisyales sa pagsabot sa organizational, politikal, ug konstitusyonal nga pag-alagad sa katawhan sa lokal nga lebel.

Nahisgutan sa maong kalihukan ang Philippine DRRM System ni Patrick Alain S. Callanta; nagkalain-laing peligro sama sa Hydrometeorological Hazards ni Elton John Castillo sa Mindanao PAGASA Regional Services Division;

Pagsabot sa Geologic Hazards ni Jenisse Dowell Medel sa DENR-MGB-10; papel sa mga LGUs sa DRRM ug Oplan LISTO ni Cathy Pabutao sa Department of the Interior and Local Government; ug Disaster Response Mechanisms and Early Recovery Requirements ni Trestan Rey A. Ebare of OCD-10. (OCD-10/PIA-10/Camiguin)

About the Author

Recthie Paculba

Regional Editor

Region 10

Camiguin Information Center Manager 

Feedback / Comment

Get in touch