Ang Violence Against Women and Children (VAWC) ay isang publikong krimen.

Ayon sa Philippine Commission on Women, 2 sa 5 babae ang hindi kailanman humingi ng tulong ukol sa kanilang pinagdaraanan. Isa sa natukoy na dahilan nito ay mas pinipiling itanggi ng biktima ang nangyaring abuso dahil sa matinding pagmamahal o takot sa kanyang asawa o kasintahan.

Mahalagang maisumbong ang mga kaso ng VAWC dahil sinisira nito ang pundasyon ng pamilya at nilalabag ang karapatang pantao ng mga babae. Maaari rin itong magdulot ng panghabang-buhay na pasakit sa pag-iisip, pangangatawan, at personalidad ng mga biktima.

I-report ang kaso ng pang-aabuso!

Kung sinuman ang makasaksi ng pang-aabuso ay maaaring mag-report sa awtoridad o magsampa ng reklamo sa ngalan ng biktima lalo na kung siya ay walang kakayahang ipagtanggol ang sarili.