SYUDAD SANG ROXAS, Capiz (PIA) -- Ginpasakupan kag ginpangunahan sang nagkalainlain nga mga sektor sa probinsya ang "Bike For Peace and Justice" sang Hulyo 17 agud kondenaron ang ginahimo nga mga kalakasan sang mga terorista nga katapu sang Communist Party of the Philippines - New People's Army (CPP/NPA).

Kadamuan sa mga nagabisikleta nga mga sibilyan ang nagpirma pa sa "manifesto" nga nagapakamalaut sa mga rebelde nga NPA sa katuyuan nga matapos na ang rebelyon para sa kalinong kag kauswagan sang ila mga lugar nga nasakupan.