LUNGSOD NG CALAPAN, Oriental Mindoro (PIA) – Pinangunahan ng Municipal Social Welfare and Development Office (MSWDO) Bulalacao ang pamamahagi ng social pension para sa 1,929 benepisyaryo na mga senior citizen  para sa buong taon ng 2021.

Ang pondo ay mula sa social pension fund ng Dept. of Social Welfare and Development - MIMAROPA Office.

Ayon sa MSWDO, ang bawat kasapi ng mga nakatatandang mamamayan na nanggaling  pa sa iba’t-ibang barangay ng nasabing bayan ay tumanggap ng tig-P6000  na katumbas ng P500 kada buwan na ayuda ng pambansang pamahalaan.

Nagtungo sa bawat barangay ang mga kawani ng MSWDO katuwang ang Sangguniang Barangay para ipagkaloob ang naturang tulong pinansiyal upang masiguro ang kaligtasan at kalusugan ng mga kasapi na kung saan ay mahigpit din na ipinatupad ang minimum health protocols habang isinasagawa ang pay-out.