DAKBAYAN SA BUTUAN -- Pito (7) ka mga kanhi rebelde midawat ug Certificate of Entitlement of Housing Units sa Cagayan de Oro Midland Valley Homes gikan sa Office of the Presidential Adviser on the Peace Process (OPAPP) kaniadtong Miyerkoles, Nobyembre 17, 2021.

Ang mga benipesyaryo, kanhi membro sa Rebolusyong Partido ng Manggagawa-Pilipinas/Revolutionary Proletarian Army/Alex Boncayao Brigade (RPM-P/ RPA/ ABB) ug mga Kapatiran Awardees.

Gihimo ang maong aktibidad subay sa 2000 Peace agreement sa GPH ug RPM-P/ RPA/ ABB.

Dako ang pasalamat sa mga kanhi rebelde nga wala sila gikalimtan sa gobyerno ug gituman nila ang ilang mga saad baylo sa ilang pagsurrender.

Sa iyang mensahi, gidayeg ni MGen Romeo Brawner Jr., hepe sa 4th Infantry Division (4ID), ang gobyerno sa walay hunong na pagtuman sa ilang mga pasalig. Matud pa niya importante kani aron makab-ot ang kalinaw taliwala sa mga pagpanghulga.

“This serves as the best illustration to entice more surrenderers. Our government instrumentalities will provide the necessary assistance to those who want to return to the folds of the law to attain our over-arching desire to resolve the armed conflict towards an environment of peace,” sumala ni MGen Brawner Jr. (MCeledeña/4th Infantry Divison, PA/PIA-Caraga)